Init nutaat 33-t ataatsimeersuartarfillu nutaaq
Hotel Arcticip illup uigua pingasunik quleriiaalik 33-nillu initalik atuleqqammerpaa. Init tamarmik nunanut tamalaanut naleqqersuussinnaasumik pitsaassuseqarput iluliarsuarnut, Ilulissat illoqarfiannut Diskobugtimullu isikkiveqarlutik.

Uigunera immikkoortup Kajak-imut 2000-mi atulersumut ilassutaavoq. Uigua nutaaq atserneqareerpoq Umiaq, tassa kalaallit umiaat atsiullugu.

Ataatsimeersuartarfik nutaaq
Ataatsimiinnernut ataatsimeersuarnernullu immikkoortoq nutaaq 2009-mi januarimi atuutilissaaq. Peqataasinnaasut inuit 120-t tikillugit tikilluaqqunissaat qilanaarivarput, avatangiisillu kusanarluinnartut atortorissaarutillu pitsaalluinnartut qilanaarineqarsinnaapput. Ataatsimeersuartarfiup nutaartaa Hotel Arcticip isaariaata eqqaaniissaaq, Ilulissanut iluliarsuarnullu isikkiveqassalluni.

Piginnaasat annertunerusut – pitsaassuseq annertunerusoq
Hotelip ilanerata Umiap atuutilerneratigut init 87-it, iglo-t tallimat, katillugit siniffiit 184-it pigineqalissapput. Ataatsimeersuartarfik nutaaq peqataasunut 120-nut inissaqassaaq.

Ataatsimeersuarfiup nutaap sananeranut atatillugu hotelip iniutai avannamut sammisut nutaanngitsortaaniittullu atorunnaassapput. Tamatuma kingorna hotelimi ininit tamanit ilulissat, Diskobugti Ilulissallu illoqarfiat isikkivigineqalissaaq – aamma neriniartarfimmiit, brasseriemit ataatsimeersuartarfimmiillu.

Suleqatigisat
Init nalinginnaasut (Puisi) nutarsarneqarnerat, init amerlisarneqarnerat (Umiaq) kiisalu ataatsimiittarfimmik pitsaalluinnartunik atortulimmik pilersitsinermi siunnersortit professionaliusut qanimut suleqatigisimavagut:

Suliat annertuut ilusilersorneqarneranni piviusunngortinneqarnerannilu suliamut aqutsisuuvoq Sagsarkitekt Bernhard Schwegler titartaasarfinniit 6B/Kitaaneersoq, inillu pisatsersorneqarneranni Lone Harritz F.T.-meersoq (Furniture Team) isumaginnittuulluni. Hotelip aqutsisui peqatigalugit aaqqiissutit inisimasutsinnut ilorrisimaarnarnerpaat nassaarineqartarput.

Iluarsaaqqinnerup (Puisi) pitsaalluinnartumik suliarineqarnera entreprenørip NorthTradeConstructionip (Frans Pind) suliarivaa, ilassutillu (Umiaq & Ataatsimiittarfik) suliarineqarnera EMJ Grønland-mit suliarineqarpoq (Jørn Madsen aamma Karl Jensen).

Timigissartarfik
2009-ip aasaani Umiami quleriinni allermi timigissartarfeqalissaaq. Neriorsuutigissavarput tamatuma utaqqinissaa imminut akilersinnaassasoq.